點心

倫敦大酒樓,點心專門店,點心每天新鮮製造,全日供應。
只賣本店廚師自家製造各款精美鹹、甜、粵、京、滬點心,每天超過100款。

失傳多時嘅點心,都有機會 在倫敦大酒樓食到。(午茶時段,點心款式最齊全) 全港罕有大型推『點心車』酒樓。

早午飲茶,每天由早上7:00至下午3:30:
三樓點心除了由點心車仔供應外,亦可到大排檔選擇或劃單柯打。
四樓開早上11點,不設搭檯,星期一至五(非假期)點心劃單即叫即蒸,星期六及假期,亦有流動車仔供應點心。
晚飯及宵夜時段,亦有劃單點心供應。

原個椰皇燕窩炖鮮奶

  • 滋潤養顏,多食皮膚白滑,日賣超過700個。

鍋貼鮮蝦餃

  • 用京式餃子皮,包住多汁鮮蝦及冬筍之廣東蝦餃餡,兩面煎香,係創意 Fusion 點心。

京式葱油餅

  • 倫敦大酒樓廚師對造包、發麵最具心得,葱油餅芝蔴外皮香脆,中皮鬆軟,葱油心冶味,為最受歡迎京點之一。

箭豬奶皇飽

  • 箭豬仔眼仔碌碌,笑容燦爛,皮太脆,心太軟,電咗個爆炸裝,絕對係年青人嘅至愛。

酥皮雞蛋撻

  • 酥皮蛋撻,不含反式脂肪,酥皮入口融化,蛋沁香滑清甜。

甜醋豬腳羗

  • 甜醋清香,酸醋冶味,廚師將羗醋溝得洽到好處,加上煲到又淋又入味嘅豬腳,係喜歡羗醋人士必食之選。